Blue Team
Qurilmalar, tarmoq va foydalanuvchi hisoblari himoyasini amalda baholaymiz. Nazoratli sinovlar orqali ogohlantirishlar, xavfsizlik sozlamalari va jamoangiz javob tartibini tekshiramiz.
01 / TEKSHIRUV
Qurilma va hisoblarni himoyalash sozlamalari, markaziy jurnallar va ogohlantirish qoidalarini tekshiramiz. Kelishilgan hujum ssenariylari bilan himoya choralari ishlashini sinaymiz, ortiqcha ogohlantirishlarni kamaytirish va hodisani ko‘rib chiqish tartibini ishlab chiqamiz.
AMALIY SSENARIYLAR / TTP
TTP — hujumchining taktikasi, ishlatadigan usuli va amallar ketma-ketligi. Biz shu yondashuvlarni tahlil qilib, tashkilotingiz muhiti va yozma kelishilgan qamrovga mos ssenariylarni tanlaymiz. Har bir tekshiruv natijasini himoya uchun amaliy tavsiyaga bog‘laymiz.
Jarayonlarning bir-birini ishga tushirishi, noodatiy hisob faolligi va rejalashtirilgan vazifalar birgalikda ko‘riladi. Faqat zararli fayl nomiga tayanmay, hujumga xos xatti-harakatlarni ajratamiz. Sigma yoki muhitga mos qoidalar sinov ma’lumotlari bilan tekshirilib, odatiy biznes faoliyati bilan farqi ko‘rsatiladi.
Masalan, o‘g‘irlangan hisob ichki tarmoqqa kirgan degan taxmin olinadi. Kirish jurnallari, qurilma telemetriyasi va tarmoq ulanishlari shu taxminni tasdiqlash yoki rad etish uchun tekshiriladi. Yakunida tekshirilgan davr, topilmalar, yetishmagan loglar va doimiy kuzatuvga qo‘shiladigan qoidalar beriladi.
Mahalliy administrator huquqlari, xizmat hisoblari, ilova nazorati va tizim sozlamalari biznes jarayoniga mos cheklanadi. O‘zgarishlar avval sinov guruhida tekshiriladi. Keyin shu hujum ssenariysi qayta bajarilib, tuzatish ishlagani va qonuniy ish jarayoniga ta’siri baholanadi.
02 / NATIJA
Tizim egasining yozma ruxsati, shartnoma va maxfiylik kelishuvi asosida ishlaymiz. Aktivlar, usullar, muddat, to‘xtatish shartlari va ma’lumotlarni saqlash tartibi ish boshlanishidan oldin belgilanadi.
CyberTrust orqali vazifangizni yuboring. Aktivlar soni, tekshiruv chuqurligi va kutilayotgan natijani siz bilan aniqlashtirib, muddat hamda narxni loyiha taklifida ko‘rsatamiz.