Mobil ilova xavfsizligi
Mobil ilova ma’lumotlarni qanday saqlashi, foydalanuvchini tekshirishi va server bilan bog‘lanishini baholaymiz. Natijalarni mijoz ma’lumotlari va xizmatga kirish xavflari bilan bog‘lab tushuntiramiz.
01 / TEKSHIRUV
Ilova fayllari va ishlash jarayoni tahlil qilinadi: qurilmada saqlanadigan ma’lumot, sessiyalar, server API’lari, ruxsatlar va aloqa himoyasi. OWASP mobil tekshiruv yondashuvlari asosida topilmalar qayta tekshiriladigan dalil va dasturchi uchun tuzatish tavsiyasi bilan beriladi.
AMALIY SSENARIYLAR / TTP
TTP — hujumchining taktikasi, ishlatadigan usuli va amallar ketma-ketligi. Biz shu yondashuvlarni tahlil qilib, tashkilotingiz muhiti va yozma kelishilgan qamrovga mos ssenariylarni tanlaymiz. Har bir tekshiruv natijasini himoya uchun amaliy tavsiyaga bog‘laymiz.
Ilova saqlaydigan fayllar, loglar, tokenlar va maxfiy kalitlarning himoyasi tekshiriladi. Android komponentlari va ruxsatlar o‘rtasidagi chegaralar tahlil qilinadi. Boshqa ilova yoki yo‘qotilgan qurilma sabab ma’lumot ochilib qolishi mumkin bo‘lgan holatlar dalil bilan tushuntiriladi.
Mobil interfeysda tugmani yashirish serverdagi huquq nazoratini almashtirmaydi. Turli foydalanuvchi rollari bilan sessiya muddati, qayta kirish va API obyektlariga ruxsat tekshiriladi. Bir mijoz boshqa mijozning ma’lumotiga murojaat qila olmasligi alohida baholanadi.
OWASP MASVS/MASTG yondashuvi bilan ilova tarkibi va uning ishlayotgan holati solishtiriladi. Burp Suite hamda kelishilgan laboratoriya vositalari yordamida tarmoq va bajarilish kuzatiladi. Topilma dasturchi uchun qayta tekshirish sharti, ta’sir va tuzatish mezoni bilan beriladi.
02 / NATIJA
Tizim egasining yozma ruxsati, shartnoma va maxfiylik kelishuvi asosida ishlaymiz. Aktivlar, usullar, muddat, to‘xtatish shartlari va ma’lumotlarni saqlash tartibi ish boshlanishidan oldin belgilanadi.
CyberTrust orqali vazifangizni yuboring. Aktivlar soni, tekshiruv chuqurligi va kutilayotgan natijani siz bilan aniqlashtirib, muddat hamda narxni loyiha taklifida ko‘rsatamiz.